តែបៃតងជួយកែលម្អការចងចាំ ព្យាបាលជំងឺភ្លេចភ្លាំង
ថ្ងៃចន្ទ ទី១៨ ខែឧសភា ឆ្នាំ២០១៥ ម៉ោង ១០:៥៧
របកគំហើញវិទ្យាសាស្រជាហូរហែបង្ហាញថា តែបៃតងផ្តល់អត្ថប្រយោជន៍ដល់សុខភាពរាងកាយច្រើនយ៉ាង ។ ទោះជាយ៉ាងណា របកគំហើញថ្មីចុងក្រោយបានបង្ហាញថា ក្រៅពីអត្ថប្រយោជន៍ខាងដើម វាក៏ផ្តល់អត្ថប្រយោជន៍ដល់សុខភាពផ្លូវចិត្តផងដែរ ។
ការស្រាវជ្រាវមួយដែលធ្វើឡើងដោយអ្នកវិទ្យាសាស្ត្រសាកលវិទ្យាល័យ University of Basel ប្រទេសស្វ៊ីសបានរកឃើញថា តែបៃតងមានសមត្ថភាពជួយពង្រីកដល់បណ្តាមុខងារយល់ដឹងរបស់ខួរក្បាល ជាពិសេសគឺជួយឱ្យដំណើរប្រតិបត្តិការអង្គចងចាំកាន់តែមានភាពក្លៀវក្លាឡើង ។
ការពិសោធបានបង្ហាញថា សារធាតុដែលគេចម្រាញ់ពីតែបៃតងមានសមត្ថភាពបង្កើនការតភ្ជាប់ជាប្រព័ន្ធរបស់ខួរក្បាលបានយ៉ាងល្អជាពិសេសគឺការតភ្ជាប់រវាងកំពកផ្នែកខាងលើ (Parietal lobe)និងកំពកផ្នែកខាងមុខ (Frontal Lobe)របស់ខួរក្បាល ។
សាស្ត្រាចារ្យ Borgwardt ដែលជាអ្នកដឹកនាំការសិក្សាបានថ្លែងថា ៖«ការរកឃើញរបស់យើងលើកនេះបានបង្ហាញថា តែបៃតងមានកម្លាំងជួយបង្កើនសមត្ថភាពបញ្ជូនរលកសញ្ញាអេឡិចត្រូនិចរយៈពេលខ្លីរបស់ខួរក្បាល »៕
brought to you by IT Koh Trol
0 comments:
Post a Comment