ការប្រកួតត្រៀមទៅស៊ីហ្គេមនាពេលខាងមុខនេះ ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំ (U-23)បានលត់ក្រុមណាហ្គាវើលដោយលទ្ធផលស្ទើរមិនគួរឲ្យជឿរហូតដល់៦-២ នៅពហុកីឡដ្ឋានជាតិអូឡាំពិកកាលពីយប់មិញ។
ក្រុម U-23 កម្ពុជាបានធ្វើឲ្យអ្នកទស្សនាយ៉ាងច្រើនកុះកររំភើបរីករាយយ៉ាងខ្លាំងដោយវាយលុក និងដាក់សម្ពាធលើកូនក្រុមរបស់គ្រូបង្វឹកវ័យក្មេង មាស ចាន់ណា និងទម្លាយសំណាញ់ទីរបស់ណាហ្គាវើលរហូតដល់៤គ្រាប់ តែត្រូវបានណាហ្គាវើលទម្លាយសំណាញ់ទីបាន១គ្រាប់វិញដើម្បីបញ្ចប់តង់ទី១ដោយលទ្ធផល៤-១។ នៅតង់ទី២ ក្រុម U-23 កម្ពុជានៅតែបន្តវាយសម្រុករហូតរកបាន២គ្រាប់បន្ថែមទៀត តែក៏ត្រូវបានណាហ្គាវើលរកបាន១គ្រាប់វិញដែរ។ ចប់ការប្រកួតU-23 កម្ពុជាឈ្នះណាហ្គាវើល ៦-២។
ការប្រកួតកាលពីយប់មិញនេះ ក៏ជាការសាកល្បងគ្រាប់បាល់ថ្មីសម្រាប់លេងនៅព្រឹត្តិការណ៍កីឡាស៊ីហ្គេម ដែលទើបត្រូវបាន លោក ឆាំង ពិសិដ្ឋ អ្នកចាត់ការជម្រើសជាតិទើបនាំចូលមកប្រទេសកម្ពុជាដើម្បីក្រុមU-23 កម្ពុជាបានដឹងពីទម្ងន់បាល់។
brought to you by IT Koh Trol
0 comments:
Post a Comment